未去過Khao Kho，唔好話去過泰國露營！ - 露營最緊要咩?對於我來講就係梗係-方便。 - 泰國其實好多Camping既地方係有晒所有配套，咩都唔使帶就咁行入去就可以露營。 - 而Khao Kho算係泰國其中一個最熱門嘅露營勝地。由乜都冇嘅營地，去帳篷，露營車，甚至有熱水爐嘅廁所都唔難搵到。雖然可能有人話咁樣會失去左camping嘅原本，但係對於我呢啲懶人就啱晒啦！ - Khao Kho位於碧差汶府，之前介紹過一個睇雲海好靚嘅地方同樣都係位於依個府，由曼谷出發嘅話要大約五至六個鐘嘅車程。 - 今次我哋入住嘅係一間叫PAPA Garden Khao Kho.有分二人同四人帳，價錢分別係2000至4000Baht。而晚餐要另外加多500Baht(有人會自己帶野食去)。而早餐就係包埋嘅。 - Khao Kho呢個地方本身就係好涼爽，所以好彩依個營地嘅沖涼間有熱水爐，如果唔係就凍High High🤨🤨🤨 - 帳篷方面，有得叉電有燈有風扇，最重要嘅係有風筒同鏡。基本上夜晚嘅話你係會覺得好凍根本就用唔着把風扇，風扇只係你日頭嘅時候可能喺裏面焗嘅話先會開一開。 - 如果訂房嘅話直接聯繫佢哋Facebook就得，識講英文的。但係比較麻煩嘅事通常呢啲營地都唔會有得喺訂房網站訂，多數都係要比左訂先。我自己就習慣喺九龍城過數比佢哋，然後就影返張Receipt比佢哋。 - 今次講住咁多先，下次再講埋Khao Kho呢個地方有咩玩！ - #泰國 #曼谷 #泰文 #清邁 #thailand #bangkok #泰國代購 #露營 #camping #khaokho